Azərbaycan Respublikası Milli Məclisi bu gün bar verməyən ağaca bənzəyir.
Ukrayna-Rusiya savaşı baş verməzdən öncə Azərbaycan Respublikası Milli Məclisinə növbədən kənar seçkilər keçirilsə də 5-6 mandat sahibindən başqa demək olar hamısı yenidən öz yerlərinə seçildi.

Görünən o idi ki, prezident İlham Əliyevin başçılıq etdiyi komanda nə qədər kənar qüvvələrdən bağlılığı qurtarmağa cəhd etsə də, bu baş tutmadı.

Axı, Putin Rusiyası o zaman bu günki kimi məngənədə sıxışmamışdı.
İndi isə, Qafqazda Rusiyanın mövqeləri zəiflədikcə mərkəzdən qaçmaya meylilik yavaş-yavaş özünü göstərir.

Yeni Dünya şəkillənməsində hərkəs öz safını konkret ortaya qoymalıdır.
Burada "Balanslı Siyasət" anlayışına daha kimsə göz yummaq fikrində deyil.
Necə ki, dünyada prosseslər sürətlə yenilənir.Bu təbii olaraq Azərbaycan siyasətindən və hakim komandadan yan keçə bilməz.

Dəyərləndirmələrimə əsasən əldə etdiyim nəticələrdən qənaətə gəldiyim və gələcəkdə baş verəcəkləri vizual olaraq təsvir etdiklərim, bir çox mətləblərə aydınlıq gətirir(Yəni,çörəyi qulağımızın dibinə yemirik).

Yeni dünyada hansısa ölkənin iqtidarını yıxmaq üçün ona əks olan müxalif düşərgəyə dəstək verib, məxməri inqilablara zəmin yaratmaq uzun və xərc tələb edən prossesdir.Buna görə də birbaşa elə iqtidarda olanların özləri ilə bazarlığa getməyi daha məqsədə uyğun sayırlar.

Burdan da çıxan nəticə belədir ki, nə müxalif düşərgələr, nə də sadə xalq özünü və enerjisini sərf edərək xoşbəxtliyini kənarda axtarmasın.
Bizim Azərbaycanımızda isə heç bir resursu olmayan müxalif camiə nə edə bilər ?

Təbii ki,heçnə.
Mitinqlər,piketlər,aksiyalar heç qərbə də lazım deyil.

Yəhudi-İngilis tandeminin cızdığı yeni planda onsuz da Qafqazın həmişə taleyini yazan Böyük Britaniya bu dəfəki oyunu mərkəzdən başlamaq istəmir.
Azərbaycanda siyasi prosses və danışıqlar pərdə arxasında çox hızla gedir.

Tək Türkiyə deyil, bütün Avropa və ABŞ 14 may seçkilərinin nəticələrini gözləyir.Elə Azərbaycanın hakim komandası da.

Axı,Ərdoğanla eyni yol gedilir.
Əgər,Ərdoğan seçilməzsə Azərbaycan İqtidarı " B" planını işə salacaq.
Bu planın ilk siqnalları məhz, siyasi partiyalarla bağlı qanunun təsdiq olunması ilə verilmişdir.

Beş minlik limiti keçəcək 3-4 partiya var ki, bunların da növbəti siyasi prosseslərdə iştirakı mütləqdir.
Baxmayaraq ki,bu qanun nəzarət mexanizmini tam ələ almaq kimi qiymətləndirilir.

Əsas gücü olan 3-4 partiyadan azı " 5 " mandat sahibi növbəti lotoreyanın qalibi elan ediləcək.

Bu nəyin göstəricisidir ?

Təbii ki, hakim komandanın Rus asılığından xilas olub qərblə razılaşmasının.İqtidarda qalmaq şərti ilə.

Diqqət edin, Böyük Britaniyanın Azərbaycandakı səfiriliyi siyasi partiyalarla görüşləri intensivləşdirib.Yumşaq desək,razılıqlar alınır.

Güman edirəm 2023-cü ilin payızına qədər parlamentə seçkilər baş tutacaq.
Qərb və ABŞ Qafqazı Rusiya və İranın əlindən almağı qarşısına konkret məqsəd qoyub.Düşünürəm ki, buna da nail olacaq.

Bəlkə,bundan sonra Rusiyadan tam qurtulaq.İran isə Rusiyanın maşasıdır.

Əgər, ehtimallarım həqiqətdirsə, qarşıdakı aylarda Qarabağımızın hələ də işğalda olan əraziləri(Xankəndi şəhəri başda olmaqla) Azərbaycan hakimiyyətinin tam nəzarətinə keçəcək.
Azərbaycan və Ermənistan Xarici İşlər Nazirlərinin bu görüşü bəlkə də son razılıq görüşüdür.

Diqqət edin,Paşinyan bir neçə gün əvvəl bəyanat verdi ki, Sülh müqaviləsinin bağlanması ilə əlaqədar sənədlər yaxın vaxtlarda tam hazır olacaq.

Milli Məclisdə Deputat mandatının artırılması da istisna deyil.

Hadisələr bu məcrada davam etsə ağır nəticələrdən qurtulmuş olacağıq !

SÜXH Sədri Ramin Əliyev.