USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
FHN-in 20 illik yubiley medalı təsis olunub
Azərbaycan Respublikasının Prezidenti İlham Əliyev “Azərbaycan Respublikası Fövqəladə Hallar Nazirliyinin 20 illiyi (2005–2025)” yubiley medalının təsis edilməsi ilə bağlı “Azərbaycan Respublikasının orden və medallarının təsis edilməsi haqqında” Qanuna dəyişiklikləri təsdiqləyib.
Yeni yubiley medalı Fövqəladə Hallar Nazirliyinin fəaliyyətində, bu qurumun inkişafı və möhkəmləndirilməsində xüsusi xidmətləri olan şəxslərə veriləcək. Həmçinin mülki müdafiə işinin təşkili, əhalinin və ərazilərin fövqəladə hallardan qorunması, eləcə də fövqəladə halların nəticələrinin aradan qaldırılması sahəsində fəallıq göstərən şəxslər də bu medalla təltif olunacaqlar.
Medal döşün sol tərəfinə, digər orden və medallar olduqda isə “Azərbaycan Respublikası Fövqəladə Hallar Nazirliyinin 15 illiyi (2005–2020)” yubiley medalından sonra taxılacaq.
