USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nazir General rütbəsi alan hərbçilərlə görüşüb
İyunun 25-də müdafiə naziri general-polkovnik Zakir Həsənov, Azərbaycan Respublikası Prezidentinin müvafiq sərəncamına əsasən Müdafiə Nazirliyinin ali hərbi rütbələr verilən hərbi qulluqçuları ilə görüş keçirib.
Müdafiə Nazirliyindən verilən məlumata görə, əvvəlcə Azərbaycan Respublikası Prezidentinin 25 iyun 2025-ci il tarixli sərəncamı və müdafiə nazirinin bu sərəncama əsasən imzaladığı əmr səsləndirilib. Sənədlərə əsasən bir sıra hərbi qulluqçulara “general-mayor” ali hərbi rütbəsi verilib.
Zakir Həsənov yeni rütbə alan zabitlərə rütbə nişanlarını təqdim edib, onlara Ali Baş Komandan İlham Əliyevin təbriklərini çatdırıb və gələcək xidmətlərində uğurlar arzulayıb. Nazir, eyni zamanda, hərbi qulluqçulara tapşırıq və tövsiyələrini də verib.
Yeni general-mayorlar onlara göstərilən yüksək etimada görə Prezidentə və Müdafiə Nazirliyinin rəhbərliyinə minnətdarlıqlarını ifadə edib, bu etimadı layiqincə doğruldacaqlarını bildiriblər.
