USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan, Özbəkistan və Qırğızıstan prezidentləri Şahbulaq qalasına baş çəkiblər
İyulun 3-də Ağdam rayonuna səfər edən Azərbaycan Prezidenti İlham Əliyev, Özbəkistan Prezidenti Şavkat Mirziyoyev və Qırğızıstan Prezidenti Sadır Japarov Şahbulaq qalasında olublar.
“Report”un məlumatına görə, dövlət başçıları tarixi abidənin ərazisində xatirə şəkli çəkdiriblər. Bildirilib ki, qədim tarixi abidə olan Şahbulaq qalasında hazırda Azərbaycan dövləti tərəfindən bərpa işlərinə başlanılıb.
Qeyd edək ki, Şahbulaq qalası Qarabağ xanı Pənahəli xanın təşəbbüsü ilə XVIII əsrin ortalarında inşa edilib və Qarabağ xanlığının ilk iqamətgahlarından biri sayılır. Abidə uzun illər işğal altında qaldıqdan sonra 2020-ci ildə Azərbaycanın nəzarətinə qaytarılıb. Hazırda qalanın yenidənqurulması və mühafizəsi istiqamətində işlər davam etdirilir.
