USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əbu-Dabidə Azərbaycan və Ermənistan liderləri görüşüblər
Əbu-Dabidə Azərbaycan və Ermənistan liderləri arasında görüş keçirilib
İyulun 10-da Birləşmiş Ərəb Əmirliklərinin paytaxtı Əbu-Dabi şəhərində Azərbaycan Prezidenti İlham Əliyev və Ermənistanın Baş naziri Nikol Paşinyan arasında görüş keçirilib.
Azərbaycan Xarici İşlər Nazirliyinin yaydığı məlumata görə, görüşdə Azərbaycan-Ermənistan dövlətlərarası normallaşma gündəliyinin müxtəlif aspektləri müzakirə olunub. Tərəflər bu formatın bütün məsələlərin həlli üçün ən səmərəli vasitə olduğunu vurğulayıblar və nəticəyönümlü dialoqun davam etdirilməsinə razılıq bildiriblər.
Görüş zamanı sərhədin delimitasiyası prosesi ilə bağlı əldə edilmiş irəliləyişlər dəyərləndirilib. Liderlər bu istiqamətdə işlərin davam etdirilməsi üçün müvafiq dövlət komissiyalarına tapşırıqlar veriblər.
Tərəflər, həmçinin, ikitərəfli danışıqların və etimad quruculuğu tədbirlərinin davam etdirilməsi barədə razılığa gəliblər.
Azərbaycan Prezidenti və Ermənistanın Baş naziri görüşün təşkilinə və göstərilən qonaqpərvərliyə görə BƏƏ Prezidenti Şeyx Məhəmməd bin Zayed Al Nəhyana təşəkkür ediblər.
