Prezident İslam İnkişaf Bankı Qrupunun 2026-cı il Toplantıları ilə bağlı Təşkilat Komitəsi yaratdı – Samir Şərifov sədr təyin olundu

İslam İnkişaf Bankı (IsDB) Qrupunun 2026-cı il üzrə İllik Toplantılarının Bakı şəhərində keçirilməsi ilə əlaqədar Təşkilat Komitəsi yaradılıb. Prezident İlham Əliyev bununla bağlı Sərəncam imzalayıb.

Sərəncama əsasən, toplantılar 2026-cı il 16–19 iyun tarixlərində Bakıda baş tutacaq. Tədbirin yüksək səviyyədə təşkili üçün aşağıdakı tərkibdə Təşkilat Komitəsi formalaşdırılıb:
• Sədr: Samir Şərifov – Baş nazirin müavini
• Sədr müavini: Mikayıl Cabbarov – iqtisadiyyat naziri

Üzvlər:
Ceyhun Bayramov (xarici işlər naziri),
Sahil Babayev (əmək və əhalinin sosial müdafiəsi naziri),
Adil Kərimli (mədəniyyət naziri),
Kəmaləddin Heydərov (fövqəladə hallar naziri),
Vilayət Eyvazov (daxili işlər naziri),
Rəşad Nəbiyev (rəqəmsal inkişaf və nəqliyyat naziri),
Teymur Musayev (səhiyyə naziri),
Şahin Bağırov (Dövlət Gömrük Komitəsinin sədri),
Elçin Quliyev (Dövlət Sərhəd Xidmətinin rəisi),
Vüsal Hüseynov (Dövlət Miqrasiya Xidmətinin rəisi),
Fuad Nağıyev (Dövlət Turizm Agentliyinin sədri),
Taleh Kazımov (Mərkəzi Bankın sədri),
Samir Rzayev (“Azərbaycan Hava Yolları” QSC-nin prezidenti),
Eldar Əzizov (Bakı Şəhər İcra Hakimiyyətinin başçısı).

Nazirlər Kabinetinə tapşırılıb ki, toplantıların keçirilməsi ilə əlaqədar xərclərin maliyyələşdirilməsi üçün 2026-cı ilin dövlət büdcəsində müvafiq vəsait nəzərdə tutulsun və digər zəruri tədbirlər görülsün.