USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Çexiyada NATO Günləri: Türk pilotlarının şousu tamaşaçıları valeh etdi
Çexiyanın Ostrava şəhərində keçirilən NATO Günləri və Çexiya Hava Qüvvələri Günləri beynəlxalq hava sərgisində Türkiyə Hərbi Hava Qüvvələrinin akrobatika qrupu – “Türk Ulduzları” böyük maraqla qarşılanıb.
Tədbirdə 17 ölkədən hərbi nümayəndə heyətləri və minlərlə tamaşaçı iştirak edib. Türk pilotlar NF-5A və NF-5B tipli təyyarələrdə yüksək peşəkarlıq tələb edən mürəkkəb akrobatik manevrlər nümayiş etdiriblər. Onların dəqiqliyi və sinxron uçuşları tamaşaçılar tərəfindən alqışlarla qarşılanıb.
Mükəmməl çıxışlarına görə “Türk Ulduzları” sərginin ən yaxşı nümayiş uçuşu mükafatına layiq görülüb. Təşkilatçılar türk pilotlarının çıxışını “təhlükəsizliyi və ustalığı birləşdirən nümunəvi şou” kimi dəyərləndiriblər.
NATO Günləri və Çexiya Hava Qüvvələri Günləri Avropanın ən böyük hərbi hava tədbirlərindən hesab olunur və bu il də iştirakçılara modern texnologiyalarla yanaşı, akrobatik uçuşların möhtəşəm nümunələrini təqdim edib.
