USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Mirziyoyev Qəbələdə keçiriləcək Türk Dövlətləri Təşkilatının sammitində iştirak edəcək
Özbəkistan prezidenti Şavkat Mirziyoyev oktyabrın 6-7-də Azərbaycana işgüzar səfər edəcək. Bu barədə Özbəkistan prezidentinin mətbuat xidməti məlumat yayıb.
Dövlət başçısı Qəbələdə keçiriləcək Türk Dövlətləri Təşkilatının (TDT) sammitində iştirak edəcək. Sammit “Regional sülh və təhlükəsizlik” mövzusuna həsr olunub.
Toplantının gündəliyinə Təşkilat çərçivəsində çoxtərəfli əməkdaşlığın inkişafı və dərinləşdirilməsi ilə bağlı cari məsələlər daxildir. Görüşdə siyasi, ticarət-iqtisadi, innovasiya, investisiya, enerji, nəqliyyat-kommunikasiya, humanitar və digər prioritet sahələrdə praktiki əməkdaşlığın perspektivləri müzakirə ediləcək.
Türk Dövlətləri Təşkilatı Azərbaycan, Qazaxıstan, Qırğızıstan, Türkiyə və Özbəkistanı birləşdirən beynəlxalq əməkdaşlıq qurumudur. Təşkilatın əsas məqsədi türkdilli dövlətlər arasında hərtərəfli əməkdaşlığı inkişaf etdirməkdir.
