USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Nağıyev: “Ermənistanla məqsədyönlü təmaslarımız uğurla davam edəcək”
Dövlət Təhlükəsizliyi Xidmətinin rəisi və Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev Ermənistanın aidiyyəti qurumları ilə aparılan təmasların uğurla davam edəcəyinə inandığını bildirib.
O, bu fikri Bakıda keçirilən “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfransda səsləndirib.
Əli Nağıyev qeyd edib ki, 2025-ci ilin avqustunda Vaşinqtonda imzalanmış üçtərəfli Bəyanat, eləcə də Azərbaycan və Ermənistan Dövlət Komissiyaları arasında fevral ayında keçirilmiş ilk görüş, sonrakı təmaslar və informasiya mübadiləsi bu istiqamətdə yeni ümidlər yaradıb:
“İnanırıq ki, Ermənistanın aidiyyəti Dövlət Komissiyası ilə məqsədyönlü təmaslarımız uğurla davam edəcək və hər iki tərəfə aid itkin düşmüş şəxslərin taleyinin müəyyən edilməsinə müsbət töhfə verəcək.”
