USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Ukraynaya yeni hava hücumundan müdafiə sistemləri göndərəcək
Almaniyanın “Rheinmetall” konserni Ukraynaya “Leopard 1” tankı bazasında hazırlanmış “Skyranger 35” hava hücumundan müdafiə sistemləri (HHM) göndərəcək.
Şirkətin mətbuat xidmətinin məlumatına görə, bu layihə Rusiyanın dondurulmuş aktivlərindən əldə olunan vəsait hesabına maliyyələşdiriləcək.
Bildirilib ki, hərbi sifarişin dəyəri “üçrəqəmli milyonlarla avro” həcmində qiymətləndirilir. Silahların təchizatı Avropa İttifaqına üzv ölkələrdən biri tərəfindən maliyyələşdiriləcək, lakin göndəriləcək partiyanın miqdarı barədə dəqiq məlumat açıqlanmayıb.
Qeyd edək ki, bundan əvvəl İsveçin maliyyə naziri Elizabet Svantesson Aİ-nin dondurulmuş Rusiya aktivlərini Ukraynaya yardım məqsədilə istifadə etməyə razı salmaq istədiklərini bildirmişdi.
Rusiya Prezidentinin mətbuat katibi Dmitri Peskov isə cavabında bəyan edib ki, Moskva Qərbdə Rusiya aktivlərinin “qanunsuz ələ keçirilməsində” iştirak edən şəxsləri və dövlətləri məsuliyyətə cəlb edəcək.
