Oktyabrın 21-də Astanada Azərbaycan Prezidenti İlham Əliyev və Qazaxıstan Prezidenti Kasım-Jomart Tokayevin iştirakı ilə Azərbaycan–Qazaxıstan sənədlərinin mübadiləsi mərasimi keçirilib.

Əvvəlcə dövlət başçıları bir sıra mühüm sənədləri imzalayıblar. Onların arasında:
• “Azərbaycan Respublikasının Prezidenti İlham Heydər oğlu Əliyevin və Qazaxıstan Respublikasının Prezidenti Kasım-Jomart Kemeleviç Tokayevin Azərbaycan Respublikası və Qazaxıstan Respublikası arasında strateji tərəfdaşlıq və müttəfiqlik münasibətləri haqqında müqavilənin imzalanmasının 20 illiyi münasibətilə Birgə Bəyanatı”,
• “Azərbaycan və Qazaxıstan arasında Ali Dövlətlərarası Şuranın ikinci iclasının ikitərəfli əməkdaşlığın möhkəmləndirilməsi məsələlərinə dair 1 saylı Qərarı”,
• eləcə də “Azərbaycan və Qazaxıstan Xarici İşlər Nazirləri Şurası haqqında Əsasnamənin təsdiq edilməsi barədə 2 saylı Qərar” yer alır.

Sənədlərin imzalanmasından sonra tərəflər arasında rəsmi mübadilə mərasimi baş tutub.

Bu sənədlər iki ölkə arasında strateji tərəfdaşlıq, iqtisadi və diplomatik əlaqələrin daha da gücləndirilməsinə xidmət edir.