USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Beynəlxalq axtarışda olan 4 nəfər Rusiya tərəfindən Azərbaycana təhvil verildi
Beynəlxalq axtarışda olan daha 4 nəfər ölkəmizə ekstradisiya edilib.
Bu barədə Baş Prokurorluğun Mətbuat xidməti məlumat yayıb.
Bildirilib ki, “Mülki, ailə və cinayət işləri üzrə hüquqi yardım və hüquqi münasibətlər haqqında” 7 oktyabr 2002-ci il tarixli Konvensiyanın tələblərinə uyğun olaraq Azərbaycan vətəndaşları — Alıyev Hafiz Salman oğlu, Əliyev Nəriman Elşad oğlu, Nuriyev Kazım Ağaqulu oğlu və Həsənov Emin Vasif oğlunun ekstradisiyası barədə Baş Prokurorluğun vəsatətləri Rusiya Federasiyasının Baş Prokurorluğu tərəfindən təmin edilib.
Məlumata görə, həmin şəxslərin Azərbaycan Respublikası Cinayət Məcəlləsinin müvafiq maddələrində nəzərdə tutulmuş cinayət əməllərini törətmələrinə əsaslı şübhələr müəyyən edildiyi üçün barələrində təqsirləndirilən şəxs qismində qərar qəbul olunub.
Onlar istintaqdan qaçaraq gizləndiklərinə görə beynəlxalq axtarışa verilmişdilər.
Qeyd olunan şəxslər Rusiya Federasiyası ərazisində saxlanılaraq, Ədliyyə Nazirliyi Penitensiar Xidmətinin xüsusi konvoyunun müşayiəti ilə Bakıya gətiriliblər.
