USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN-ə qiymətli daşların daşınmasında yeni səlahiyyət verildi
Nazirlər Kabineti “Qiymətli metalların və qiymətli daşların istehsalı, emalı, istifadəsi, dövriyyəsi və onlardan hazırlanmış məhsulların daşınması zamanı hüquqi şəxslər və fərdi sahibkarlar tərəfindən onların mühafizəsinin həyata keçirilməsi Qaydaları”nda dəyişiklik edib.
Baş nazir Əli Əsədov tərəfindən imzalanmış yeni qərara əsasən:
• Emal edilməmiş almazlar idxal və ixrac zamanı kənar müdaxilədən qoruyan, müdaxilə edildikdə isə ilkin formaya qayıtmasını istisna edən təhlükəsiz bağlamalarda daşınmalıdır.
• Bu bağlamalara müvafiq eyniləşdirmə vasitələri (plomblar, möhürlər, ştamplar və s.) tətbiq olunmalıdır.
• Daxili İşlər Nazirliyi emal edilməmiş almazların idxalı, ixracı, istifadəsi, dövriyyəsi, uçotu və saxlanılması zamanı mühafizəni silahlı ekipaj vasitəsilə ödənişsiz şəkildə təmin edəcək.
Qərar, Azərbaycanın “Kimberli Prosesinin Sertifikatlaşdırma Sxemi”-nə qoşulduğu gündən qüvvəyə minir.
