USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ali Məhkəmə “Kanal13” rəhbəri Əziz Orucovun kassasiya şikayətini təmin etmədi
Ali Məhkəmə “Kanal13” internet televiziyasının rəhbəri Əziz Orucovun kassasiya şikayətini təmin etməyib.
Bu barədə qərar hakim İlkin Rəcəbovun sədrliyi ilə keçirilən məhkəmə iclasında elan olunub. Qərara əsasən, Əziz Orucovun aşağı instansiya məhkəmələrinin qərarlarından verdiyi kassasiya şikayəti təmin edilməyib və onun barəsində çıxarılmış 2 il müddətinə azadlıqdan məhrumetmə hökmü qüvvədə saxlanılıb.
Xatırladaq ki, Səbail Rayon Məhkəməsinin hökmü ilə Əziz Orucov 2 il azadlıqdan məhrum edilib. Daha sonra onun apellyasiya şikayəti də Bakı Apellyasiya Məhkəməsi tərəfindən təmin olunmamışdı.
Əziz Orucov 2023-cü ilin noyabrın 27-də saxlanılıb. Ona qarşı ilkin olaraq Cinayət Məcəlləsinin 188.2-ci (qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti aparma) maddəsi ilə cinayət işi açılıb.
Daha sonra jurnalistə qarşı ittiham Cinayət Məcəlləsinin 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddəsi ilə ağırlaşdırılıb.
Səbail Rayon Məhkəməsinin qərarı ilə Əziz Orucov barəsində həbs qətimkan tədbiri seçilmişdi.
