USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
SSRİ bayraqları ilə yürüşə cəhd edən şəxslərin işi: İbrahim Əsədlinin apellyasiya şikayəti təmin olunmadı
Xəbər verdiyimiz kimi, bir müddət əvvəl sosial şəbəkələrdə kommunist ideologiyasının təbliğinə yönəlmiş yürüşün videogörüntüləri yayılmışdı. Kadrlarda bir qrup şəxsin SSRİ bayraqları ilə küçədə yürüş etməyə cəhd göstərdiyi əks olunurdu. Hadisə ilə bağlı Daxili İşlər Nazirliyi tərəfindən keçirilən tədbirlər nəticəsində təşkilatçılar — Abdulla İbrahimli, İbrahim Əsədli və yürüşdə iştirak edən digər şəxslər müəyyən edilərək saxlanılıb, barələrində cinayət işi başlanılıb.
Noyabrın 26-da Nizami Rayon Məhkəməsində hakim Emin Axundovun sədrliyi ilə keçirilən prosesdə Abdulla İbrahimli və İbrahim Əsədli barəsində 3 ay müddətinə həbs qətimkan tədbiri seçilib.
Tanınmış həkim-onkoloq olan İbrahim Əsədli məhkəmə qərarı ilə razılaşmayaraq apellyasiya şikayəti verib. Onun şikayətinə Bakı Apellyasiya Məhkəməsində baxılıb. Məhkəmə şikayəti təmin etməyib və İ. Əsədlinin barəsində seçilən həbs qətimkan tədbiri dəyişdirilmədən qüvvədə saxlanılıb.
Qeyd edək ki, saxlanılan şəxslər Cinayət Məcəlləsinin 233-cü maddəsi — ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə — ilə ittiham olunurlar.
