USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda 21 peşə məktəbi tikiləcək – Prezident sərəncam imzaladı
Prezident İlham Əliyev peşə təhsili sisteminin potensialının gücləndirilməsi ilə bağlı əlavə tədbirlər haqqında sərəncam imzalayıb.
Sərəncama əsasən, 2026–2030-cu illərdə müasir standartlara cavab verən 21 yeni peşə təhsili müəssisəsi tikiləcək, 2 peşə məktəbi isə əsaslı təmir olunacaq.
Sənəddə qeyd olunur ki, əmək bazarının tələblərinə uyğun ixtisaslı kadr hazırlığı məşğulluğun artmasına və iqtisadi inkişafın sürətlənməsinə mühüm təsir göstərir. Ölkənin dinamik inkişafı müasir tədris bazasına malik yeni peşə məktəblərinin yaradılmasını zəruri edir.
Sərəncama görə:
Nazirlər Kabinetinə tapşırıqlar
• Dörd ay müddətində peşə təhsili sisteminin gücləndirilməsinə dair tədbirlər planı təsdiq edilməli və Prezidentə təqdim olunmalıdır;
• Sərəncamdan irəli gələn digər məsələlər həll olunmalıdır.
Elm və Təhsil Nazirliyi
• Tikiləcək və təmir olunacaq peşə məktəblərinin siyahısını təsdiq etməli,
• Maliyyə bölgüsünü hazırlayıb bir ay müddətində Dövlət Neft Fonduna təqdim etməlidir.
Dövlət Neft Fondu
• Tikinti və təmir işləri üçün tələb olunan maliyyəni öz büdcəsində illik əsasda nəzərdə tutacaq.
Sərəncam peşə təhsilli kadrların sayının və keyfiyyətinin artırılmasını, əmək bazarının tələblərinə cavab verən infrastrukturun qurulmasını hədəfləyir.
