USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qənimət Zahidin cinayət işi üzrə məhkəmə prosesi başlayıb
Dekabrın 9-da Bakı Ağır Cinayətlər Məhkəməsində “Azadlıq” qəzetinin Fransada yaşayan baş redaktoru, jurnalist Qənimət Zahidin cinayət işi üzrə məhkəmə prosesinə start verilib.
Məhkəməyə hakim Fəxri Məmmədov sədrlik edib. Proses zamanı təqsirləndirilən şəxsin anket məlumatları dəqiqləşdirilib.
Növbəti məhkəmə iclası dekabrın 16-na təyin olunub.
Qənimət Zahidin işi üzrə ibtidai istintaq noyabrın 17-də yekunlaşıb. Jurnalist dövlət əleyhinə yönələn açıq çağırışlar maddəsi ilə ittiham olunur.
Xatırladaq ki, mayın 31-də Qənimət Zahidin barəsində qiyabi həbs qərarı çıxarılmışdı. Bu barədə məlumatı jurnalist özü “Facebook” səhifəsində paylaşmışdı. O, ittihamları qəbul etmir və cinayət işinin jurnalist fəaliyyəti ilə bağlı olduğunu bildirir.
