USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Deputat Avropa Komissiyasının prezidentini məhkəməyə verir
Almaniyanın Sahra Vaqenknext İttifaqı (BSW) partiyasından olan Avropa Parlamentinin üzvü Fabio De Masi Avropa Komissiyasının prezidenti Ursula fon der Leyen barəsində məhkəməyə müraciət edib.
Bu barədə DPA xəbər agentliyi məlumat yayıb. Bildirilib ki, De Masi Avropa Komissiyasının rəhbərini məlumatları gizlətməkdə və Avropa Parlamentinin rəsmi sorğularını cavabsız qoymaqda ittiham edir. İddia əsasən Ursula fon der Leyenin müdafiə sənayesi nümayəndələri ilə əlaqələri barədə tam və şəffaf məlumat verməkdən imtina etməsi ilə bağlıdır.
Deputat 2024-cü ilin ortalarından etibarən Avropa Komissiyası prezidentinin silah şirkətləri ilə keçirdiyi görüşlər, telefon danışıqları və yazışmalar haqqında məlumatların açıqlanmasını tələb edir. Onun sözlərinə görə, bu məlumatlar ictimai maraq daşıyır və parlament nəzarəti çərçivəsində təqdim edilməlidir.
Məsələ ilə bağlı Avropa Komissiyası hələlik rəsmi mövqe açıqlamayıb.
