USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Azərbaycanın Sülh Şurasına təsisçi üzv kimi qoşulması barədə sənədi imzalayıb
Prezident İlham Əliyev Davosda keçirilən Dünya İqtisadi Forumu çərçivəsində Azərbaycanın Sülh Şurasına təsisçi üzv dövlət qismində qoşulması barədə sənədi imzalayıb.
İmzalama mərasimində Amerika Birləşmiş Ştatlarının Prezidenti Donald Tramp, həmçinin Sülh Şurasına qoşulmaq üçün ABŞ Prezidenti tərəfindən dəvət edilmiş və bu dəvəti qəbul edən ölkələrin dövlət və hökumət başçıları iştirak ediblər.
Mərasim zamanı Sülh Şurasının qlobal münaqişələrin həlli, regional və beynəlxalq səviyyədə sülh və sabitliyin möhkəmləndirilməsi baxımından əhəmiyyəti vurğulanıb. Azərbaycanın bu quruma təsisçi üzv qismində qoşulması ölkəmizin beynəlxalq sülh təşəbbüslərində fəal rol oynadığını və qlobal təhlükəsizlik gündəliyinə verdiyi töhfəni bir daha nümayiş etdirir.
Qeyd edək ki, Sülh Şurası Yaxın Şərqdə, o cümlədən Qəzza bölgəsində davam edən münaqişələrin dayandırılması, eləcə də uzunmüddətli qarşıdurmalardan əziyyət çəkən regionlarda davamlı sülhün təmin olunması məqsədi daşıyır. Azərbaycanın bu platformada iştirakı ölkənin sülhə, dialoqa və beynəlxalq əməkdaşlığa verdiyi önəmin bariz nümunəsi kimi qiymətləndirilir.
