USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ceyhun Bayramov və Hakan Fidan regional təhlükəsizliyi müzakirə ediblər
Bu gün Azərbaycan Respublikasının xarici işlər naziri Ceyhun Bayramov ilə Türkiyə Respublikasının xarici işlər naziri Hakan Fidan arasında telefon danışığı baş tutub.
Xarici İşlər Nazirliyindən verilən məlumata görə, danışıq zamanı Azərbaycan və Türkiyə arasında müttəfiqlik münasibətləri çərçivəsində əməkdaşlığın cari vəziyyəti və perspektivləri müzakirə olunub. Nazirlər beynəlxalq təşkilatlar və digər çoxtərəfli platformalarda birgə fəaliyyət və qarşılıqlı dəstək məsələlərinə toxunublar.
Telefon söhbəti zamanı regional təhlükəsizlik vəziyyəti, Yaxın Şərqdə baş verən proseslər, həmçinin Azərbaycan-Ermənistan normallaşma prosesi ətrafında fikir mübadiləsi aparılıb.
Tərəflər qarşılıqlı maraq doğuran digər məsələləri də müzakirə edərək təmasların davam etdirilməsinin əhəmiyyətini vurğulayıblar.
