Azərbaycan Rusiya ilə Türkiyə arasındakı münasibətlərdə birləşdirici rol oynaya bilər.
Bu sözləri Axar.az-a açıqlamasında Rusiya İqtisad Universitetinin "Rusiya Zabitləri" ekspert şurasının üzvü Aleksandr Perenciyev bildirib.
Onun sözlərinə görə, Rusiya və Azərbaycan üçün yeni əməkdaşlıq perspektivləri açılır:
“Əlbəttə ki, rəsmi Moskva və Ankara birbaşa qarşılıqlı əlaqədədir. Lakin rəsmi Bakının vasitəçiliyi sayəsində Rusiya-Türkiyə münasibətlərinin möhkəmlənməsi baş verə bilər. Bu üç ölkənin xüsusən də iqtisadi əməkdaşlığı bütün postsovet məkanına fayda gətirəcək. Bu əməkdaşlıq Azərbaycan və Türkiyənin Şanxay Əməkdaşlıq Təşkilatına (ŞƏT) tam üzvlüyü və onların Çinlə daha sıx qarşılıqlı əlaqələr qurması ilə nəticələnə bilər”.