Mayın 8-də Sumqayıt şəhəri, 17-ci mikrorayonda ‎kirayə yaşadığı mənzildə 1997-ci il təvəllüdlü ‎Ayşən Bayramovanın öldürülməsi barədə şəhər ‎prokurorluğuna məlumat daxil olub.‎

Sumqayıt Şəhər Prokurorluğunda aparılan ‎araşdırma nəticəsində hadisəni tanışı, 1994-cü il ‎təvəllüdlü Xalid Əmənovun törətdiyi məlum olub.‎

O, şəxsi münasibətlər zəminində aralarında ‎yaranmış mübahisə zamanı Ayşən Bayramovanı ‎boğaraq qəsdən öldürüb.‎

Faktla bağlı Sumqayıt şəhər prokurorluğunda ‎Cinayət Məcəlləsinin 120.1-ci (qəsdən adam ‎öldürmə) maddəsi ilə cinayət işi başlanıb.‎

Xalid Əmənov şübhəli şəxs qismində tutularaq ‎istintaqa cəlb edilib.‎

Hazırda cinayət işi üzrə zəruri istintaq tədbirləri ‎davam etdirilir.‎