USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Parkda qayçı ilə gənc oğlanın çənəsini kəsən şəxs 5 il azadlıqdan məhrum edildi
Ali Məhkəmədə Balakəndə həmyerlisini bıçaqlamaqda təqsirləndirilən Elnur Qazaxovun barəsindəki qərardan verilən kassasiya şikayətinə baxılıb.
Hakim Vidadi Cəfərovun sədrliyi ilə keçirilən prosesdə qərar elan olunub.
Qərara əsasən, şikayət təmin edilməyib.
Xatırladaq ki, Şəki Ağır Cinayətlər Məhkəməsinin hökmü ilə o, 5 il müddətə azadlıqdan məhrumetmə cəzasına məhkum olunub. Şəki Apellyasiya Məhkəməsi şikayəti təmin etməyib.
Qeyd edək ki, hadisə 2022-ci il iyulun 7-də saat 22:30-da Balakən şəhər ərazisindəki Heydər Əliyev parkında qeydə alınıb. Belə ki, 1990-cı il təvəllüdlü Elnur Elman oğlu Qazaxov aralarında baş verən mübahisə nəticəsində qayçı ilə Yusif Araz oğlu Novruzovu vurub. Döş qəfəsindən yaralanan gənc dərhal xəstəxanaya yerləşdirilib.
İttihama görə, Elnur Qazaxovun istirahət parkında piyada gəzərkən quraşdırılmış köşkün yanında dayanmış zərərçəkmiş Yusif Novruzov ilə toqquşub. Həmin vaxt aralarında şəxsi münasibətlər zəminində yaranmış mübahisə zamanı o, üzərində gəzdirdiyi qayçını Yusifin çənəsinin alt hissəsinə sıxaraq kəsib. Daha sonra Elnur həmin qayçı ilə zərərçəkmiş şəxsin döş qəfəsinə bir dəfə qəsdən zərbə vuraraq xəsarət yetirib. Məhkəmədə Elnur Qazaxov ona elan edilmiş ittiham üzrə qismən təqsirli bilib.
