Azərbaycanın Litvadakı səfirliyinin əməkdaşlarının qəza törətdiyi bildirilir.

Avtomobili idarə etdiyini iddia edən şəxs diplomatik toxunulmazlığını əsas gətirərək spirt testindən keçməkdən boyun qaçırıb.

Məlumata görə, Azərbaycan səfirliyinə məxsus avtomobil Vilnüs şəhərinin mərkəzində qəza törədib.

Sürücünün sərxoş olduğu müəyyən edilib.

Bildirilir ki, səfirliyin avtomobili işıqforun qırmızı işığında kəsişməyə daxil olaraq "VW Polo" markalı maşınla toqquşub. Onun sürücüsü qeyd edib ki, səfirlik əməkdaşları ondan polisə zəng etməməyini xahiş ediblər, lakin o buna əhəmiyyət verməyib və polisə qəza barədə məlumat verib.

Şahidlərin sözlərinə görə, diplomatik avtomobildə biri qadın olmaqla 4 nəfər olub.

Özünü səfirliyin sürücüsü kimi təqdim edən şəxsin qanında alkoltest zamanı 1.4 promille spirt çıxdığı qeyd edilib.

Litva qanunlarına görə, qəza ağır nəticələrə səbəb olmayıbsa, sürücü bu halda inzibati məsuliyyətə cəlb olunur.

Bunun ardınca isə həmin şəxslərdən digəri avtomobili özünün idarə etdiyini iddia edib.

Azərbaycan Xarici İşlər Nazirliyi və Litvadakı səfirlik hadisəylə bağlı hələlik heç bir açıqlama verməyib.