USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
16 yaşlı qızın qaçırılması ilə adı hallanan axund vəzifəsindən azad edildi
Abşeron rayonunun Aşağı Güzdək qəsəbə məscidində imam müavini kimi fəaliyyət göstərən Turab Əliqan oğlu Tahirov tutduğu vəzifədən azad olunub.
Bu barədə Dini Qurumlarla İş üzrə Dövlət Komitəsi məlumat yayıb. Bildirilib ki, qərar Komitə Kollegiyasının 2022-ci il 22 aprel tarixli qərarı ilə təsdiqlənmiş *“İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”*nın 8.1.9-cu bəndinə əsasən verilib.
Qaydanın qeyd olunan bəndinə əsasən, din xadimi mənəvi dəyərlərə, etik-əxlaqi prinsiplərə və din xadiminin fəaliyyətinə zidd hərəkətlərə yol verdikdə vəzifəsindən kənarlaşdırıla bilər.
Qeyd edək ki, Turab Tahirovun adı 16 yaşlı qızın qaçırılması ilə bağlı yayılan iddialarda hallanırdı. Hadisə ilə bağlı hüquq-mühafizə orqanları tərəfindən araşdırma aparıldığı bildirilir.
