USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Vladimir Putinə qarşı çağırış edən şəxs psixiatriya xəstəxanasına göndərildi
Sankt-Peterburq sakini, 39 yaşlı Qriqori İvanenko, Rusiya prezidenti Vladimir Putinlə bağlı yaydığı çağırışlara görə məcburi psixiatriya müalicəsinə göndərilib.
Bu barədə məlumatı “Mediazona”, Sankt-Peterburqun Krasnoselski Rayon Məhkəməsinin mətbuat xidmətinə istinadla yayıb. Məhkəmə İvanenkoya qarşı “siyasi nifrət motivli xuliqanlıq” maddəsi ilə açılmış cinayət işi çərçivəsində onun ixtisaslaşdırılmış psixiatriya xəstəxanasında məcburi müalicə olunmasına qərar verib.
İstintaqın məlumatına əsasən, İvanenko 2024-cü il mayın 31-də saxlanılıb. O, Krasnoselski rayonunun hərbi komissarlığı qarşısındakı stendə prezident Vladimir Putinin “axtarışda olması” ilə bağlı tənqidi məzmunlu vərəq yapışdırıb. Həmin vərəqdə, iddiaya görə, Putinin tutulmasına kömək edəcək şəxsə 1 milyon rubl mükafat vəd olunurdu.
Hazırda Qriqori İvanenkonun məhkəmə qərarına uyğun olaraq psixiatriya müəssisəsində müalicəsi davam edir.
