USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycana məxsus təyyarə İrəvana eniş edib
Oktyabrın 21-də Azərbaycana məxsus təyyarə Ermənistanın paytaxtı İrəvana eniş edib. Təyyarə Azərbaycan vətəndaş cəmiyyəti nümayəndələrini daşıyıb.
Qeyd edək ki, oktyabrın 21-22-də İrəvanda Ermənistan və Azərbaycan vətəndaş cəmiyyəti nümayəndələrinin iştirakı ilə ikitərəfli dəyirmi masa keçiriləcək.
Tədbir zamanı aşağıdakı məsələlər müzakirə olunacaq:
• Avqustun 8-də Vaşinqtonda keçirilmiş görüşdən sonra formalaşmış sülh gündəliyi,
• İki cəmiyyət arasında qarşılıqlı etimadın möhkəmləndirilməsi üzrə tədbirlər,
• Cənubi Qafqazda sabit iqtisadi əməkdaşlığın formalaşdırılmasının mümkün yolları,
• Həmçinin, iki ölkənin vətəndaş cəmiyyəti nümayəndələri arasında birbaşa və uzunmüddətli əlaqələrin qurulması perspektivləri.
Hazırda nümayəndə heyətinə kimlərin daxil olduğu açıqlanmamışdır.
