USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İcbari tibbi sığorta üzrə sığortaolunanların dairəsi genişləndirilir
Milli Məclisin bu gün keçirilən iclasında “Tibbi sığorta haqqında” Qanuna dəyişiklik edilməsi barədə qanun layihəsi III oxunuşda qəbul edilib.
Hazırkı qanunvericiliyə görə, icbari tibbi sığorta Azərbaycan vətəndaşlarını, həmçinin ölkədə qaçqın statusu almış şəxsləri və BMT-nin Qaçqınlar üzrə Ali Komissarlığının himayəsində olan əcnəbiləri və vətəndaşlığı olmayan şəxsləri əhatə edir.
Qəbul edilən dəyişikliyə əsasən isə sığortaolunanların siyahısı genişləndirilir. Yeni düzenləməyə görə, bundan sonra:
• Həbs edilmiş şəxslər,
• Müəyyən müddətə azadlıqdan məhrum etmə cəzası çəkənlər,
• Ömürlük azadlıqdan məhrum edilən şəxslər
də icbari tibbi sığorta sisteminin iştirakçıları olacaq.
Yeganə istisna məntəqə tipli cəzaçəkmə müəssisələrində cəza çəkən şəxslərdir – onlar sığortaolunan hesab edilməyəcək.
Qanun layihəsi müzakirələrdən sonra səsverməyə çıxarılaraq qəbul edilib.
Dəyişikliklərin yaxın müddətdə qüvvəyə minməsi gözlənilir.
