USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“TikTok”da qeyri-etik ifadələr işlədən şəxs həbs edilib
“TikTok” sosial şəbəkəsində cəmiyyətə qarşı hörmətsizlik edən və qeyri-etik ifadələr səsləndirən şəxs polis əməkdaşları tərəfindən saxlanılıb.
Məlumata görə, Zəngilan rayon sakini, 1984-cü il təvəllüdlü Habil Həsənov “TikTok” platformasında dostuna məxsus “Məmmədov Səmiyyədin” adlı səhifədə açılmış canlı yayım zamanı onu izləyən şəxslərin ünvanına təhqir xarakterli ifadələr işlədib.
Faktla bağlı Habil Həsənov barəsində İnzibati Xətalar Məcəlləsinin müvafiq maddəsi üzrə protokol tərtib olunaraq baxılması üçün məhkəməyə göndərilib. Məhkəmənin qərarı ilə o, 15 sutka inzibati qaydada həbs edilib.
Daxili İşlər orqanları sosial şəbəkələrdə ictimai asayişi pozan, cəmiyyətə qarşı hörmətsizlik nümayiş etdirən davranışlara qarşı tədbirlərin davam etdiriləcəyini bildirir.
