USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yekaterinburqda azərbaycanlıların öıümündə iştirak edən polis əməkdaşları təltif edilib
Rusiyanın Yekaterinburq şəhərində azərbaycanlıların saxlanılması ilə nəticələnən əməliyyatda iştirak etmiş Mütəşəkkil Cinayətkarlıqla Mübarizə İdarəsinin (MCMİ) əməkdaşları təltif olunublar.
Mükafatlandırma mərasimi Rusiya Daxili İşlər Nazirliyinin Sverdlovsk vilayəti üzrə Baş İdarəsinin geniş kollegiya iclası zamanı keçirilib. Tədbirdə Prezidentin Ural Federal Dairəsi üzrə səlahiyyətli nümayəndəsi Artem Joqa, Sverdlovsk vilayəti polis idarəsinin rəisi Aleksandr Meşkov, vilayətin baş prokuroru Boris Krılov, eləcə də digər rəsmi şəxslər iştirak ediblər.
Rəsmi açıqlamalarda təltifin hansı konkret əməliyyatlara görə verildiyi ətraflı qeyd olunmasa da, mərasim azərbaycanlıların saxlanılması ilə yadda qalan hadisələr fonunda baş tutub.
Qeyd edək ki, ötən il Yekaterinburqda keçirilən əməliyyat zamanı 50 azərbaycanlı Rusiya təhlükəsizlik qüvvələri tərəfindən saxlanılıb. Hadisə nəticəsində Ziyəddin və Hüseyn Səfərov qardaşları, həmçinin onların əmisi oğlu Kamal Qədiməli oğlu Səfərov həyatını itirib. Sözügedən hadisə Azərbaycan ictimaiyyətində ciddi rezonans doğurub.
Hadisə ilə bağlı araşdırmalar və rəsmi mövqelər ətrafında müzakirələr davam edir.
