
Milli Məclisdə daha 5 parlamentlərarası əlaqələr üzrə işçi qrupunun formalaşdırılması nəzərdə tutulur.
Məsələ parlamentin Beynəlxalq münasibətlər və parlamentlərarası əlaqələr komitəsinin ötən gün keçirilən onlayn iclasında müzakirəyə çıxarılan “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” qərara dəyişiklik edilməsi barədə layihədə öz əksini tapıb.
Layihəyə əsasən, aşağıdakı parlamentlərarası əlaqələr üzrə işçi qrupları yaradılacaq və sədrləri bu deputatlar olacaq:
• Azərbaycan – Keniya parlamentlərarası əlaqələr üzrə işçi qrupu: Ramid Namazov
• Azərbaycan – Qambiya parlamentlərarası əlaqələr üzrə işçi qrupu: Eyvaz Qurbanov
• Azərbaycan – Laos parlamentlərarası əlaqələr üzrə işçi qrupu: Gülşən Paşayeva
• Azərbaycan – Maldiv parlamentlərarası əlaqələr üzrə işçi qrupu: Azər Allahverənov
• Azərbaycan – Nepal parlamentlərarası əlaqələr üzrə işçi qrupu: Vasif Qafarov
Layihə Milli Məclisin plenar iclasına tövsiyə olunub.