USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Lalların kafesi”ndəki qətl işi məhkəmədə davam edir
Bakıda ötən ilin martında Suraxanı rayonunda baş verən qətl və xuliqanlıq hadisəsi üzrə məhkəmə prosesi davam etdirilib. Cinayət işi Bakı Ağır Cinayətlər Məhkəməsində hakim Eldar İsmayılovun sədrliyi ilə araşdırılıb.
Təqsirləndirilən Afiq Hacıəliyevin atası Çingiz Hacıəliyev ifadəsində bildirib ki, mərhumla qonşu münasibətləri uzun illər yaxşı olub və onu öz övladı kimi bilib. O, hadisə günü Cəlilabada yeddi məclisə getdiklərini, aralarında əvvəllər mübahisə olsa da, sonradan barışmaq istədiklərini, lakin mərhumun razılaşmadığını qeyd edib.
Digər şahid, təqsirləndirilən şəxsin qardaşı Rafiq Hacıəliyev isə deyib:
“Axşam mənə Rasim adlı tanışımdan zəng gəldi ki, tərəflər arasında dava olub. Hadisə “Lalların kafesi”ndə baş verib. Mən ora çatanda dava bitmişdi. Qardaşım boğazından xəsarət almışdı. Onun üzərində bıçaq olub olmadığını bilmirdim. Mərhum narkomaniyadan əziyyət çəkirdi.”
Qeyd olunur ki, Afiq Hacıəliyev mübahisə zamanı tanışı Turan Əliyevə bıçaqla xəsarət yetirərək öldürüb. Hadisə günü Afiq Hacıəliyev Natiq İmamcanovla birlikdə olub. Onlara qarşı Cinayət Məcəlləsinin 120.2.4-cü (xüsusi amansızlıqla qəsdən adam öldürmə) və 221.3-cü (xuliqanlıq, silah və ya silah qismində istifadə olunan əşyalarla törədildikdə) maddələri ilə ittiham irəli sürülüb.
Məhkəmənin növbəti iclası aprelin 22-nə təyin edilib.
