Keçmiş saxta deputat ər və indiki saxta deputat arvad, iki fərqli kanalda mənim və seçki komandamız haqqında böhtanlar səsləndirib. Neftçalada ofis açacağımı deyəndən sonra, yaman qorxu düşüb canlarına.

Sabir Rüstəmxanlı deyir ki, Vəfa Nağı Qərbin, Avropanın layihəsidir. Vallah mən utanıram sizin bu mənasız, altı boş ittihamlarınıza cavab verməyə. "Kiminsə layihəsidir" nə deməkdir? Bunu hansı əsasla, hansı sübutla, hansı ağılla deyirsiz? Axı niyə düşünürsünüz ki, bu ölkədə sizin yalanlarınızı, saxtakarlıqlarınızı ifşa edən hamı kiminsə, haranınsa layihəsi olmalıdır? Deyim niyə? Çünki siz hələ də inana bilmirsiniz ki, necə oldu ki, 10-15 gəncin, bir “Murovey” və bir meqafonun qarşısında bu qədər biabır ola bilmisiniz. Xalqdan oğurlayıb altınıza yığdığınız milyonlar sizə biabır olmamaq üçün bəs etmədi. Bizim bu qədər qısıtlı resursumuzla apardığımız uğurlu kampaniyamızı və bütün ölkənin qarşısında rəzil duruma düşməyinizi özünüzə sığışdıra bilmirsiniz. Məhz buna görə də, arxamda hansısa dairələrin olduğunu dönə-dönə iddia edirsiniz. Mənim kimlərinsə, yaxud hansısa dairələrin layihəsi olduğumu sübut etməyən, bu iddiaların altını doldurmayan ən ləyaqətsiz adamdır. Buyurun, əlinizdə nə varsa qoyun ortaya.

Mən sizin saxtakar, yalançı, rüşvətxor olduğunuzu, xirtdəyinizə qədər korrupsiyaya bulaşdığınızı sübut etməyə hazıram (əslində heç görünən kəndə bələdçi də lazım deyil). Təkcə sən yox, qardaşın, oğlun, elə demək olar ki, bütöv nəsliniz sənin günündədir. Çox şükür mənim qardaşlarım mühacir alverçisi olaraq Avropada həbs edilməyib.

Sabir deyir ki, “Azərbaycan xalqı belə bir adamı heç vaxt parlamentə buraxmazdı”. Guya ki, parlamentin tərkibini xalq müəyyən edir və bu xalq yalançıları, saxtakarları, rüşvətxorları parlamentə buraxır, amma məni yox)))

Sabirə bir-neçə sualım var. Parlamentdəki nadir çıxışlarından birində deyirdi ki, “mənim ailə üzvlərim nəyə görə hava limanında VIP- dən keçməməlidir?!”. O söhbətin axırı necə oldu? Ailə üzvlərin deputat olmamış VIP- dən keçə bilmir ona görə arvadını deputat etdirmisən?

Keçək Tənziləyə. Dediyinə görə araşdırıb və komandamda FETÖ -cular olduğunu iddia edir. FETÖ-çu eee)))

Amma insafən, Tənzilənin düz danışdığı məqamlar da var. Deyir Neftçala seçicilərinin əksəriyyəti kimə səs verməlidirsə, ona da səs verdi. Bəli, Neftçala seçicilərinin mütləq əksəriyyəti mənə səs verdi. Sən və sənin ətafındakı oğrular isə o səsləri oğurladı.

Təbliğat kampaniyası müddətincə bütün ölkənin gözünün önündə dəfələrlə dövlətin bütün resurslarından istifadə edən namizəd deyir ki, “əslində Vəfa Nağının namizədliyi ləğv edilməli idi, amma biz onun namizədliyinin ləğv olunması üçün müraciət etmədik”. Riyakarlar elə bilir ki, bu da səs oğurluğudur. İstədikləri kimi davrana bilərlər. Gah məni Fətullahçı, gah da Sorosçu adlandırmasının altında bir şey yatır. Əsəb və qısqanclıq.
Guya məni bunun qarşısına hansısa dairələr çıxarıb. Ay Tənzilə, sən kimsən axı? Sənin nə ağlın, savadın, biliyin var ki, kimsə sənin qarşına kimisə çıxarsın(Deyilənə görə Dr diplomun belə saxtadır)? Mən neftçalalıyam və iddia edirəm ki, tək canıma sənin və ərinin Neftçala üçün gördüyü işlərdən ən az iki qat daha çox iş görmüşəm, daha çox neftaçalalının həyatına toxunmuşam. Sənin ərin demək olar ki, rəqibsiz qatıldığı seçkidə 2800 civarında səs “toplamışdı”.

Siz o qədər rəzilsiniz ki, məntbuat konfransı keçirdiyim yerdən mənə niyə yer verdiklərini soruşmusunuz. Üstəlik, utanmadan məni xalqın düşməni elan edirsiz. Xalqın düşməni sizin kimi səs oğrularıdır, mən yox! Seçki kampaniyası vaxtında olmayan xalam oğlunu pulla, vədlərlə aldadıb, mənə qarşı videosun çəkib paylaşacaq qədər rəzilsiz. Nəzərinizə çatdırım ki, mənim bir xalam var onun da övladı olmur.

Ətrafındakı tulalar seçki kampaniyası vaxtı çayxana- çayxana, küçə- küçə gəzib mənim və ailəm haqqında şaiələr yayırdılar. İndi də özü çıxıb, mənə feminist əxlaqsız deyir. Mənim üçün əxlaqsızlıq səs oğurluğudur, xalqın malı ilə varlanmaq, quda olduğu adamın hesabına oğlunu harasa soxuşdurub, qohumbazlıq, tayfaçılıq əlaqələrindən istifadə edib müxtəlif vəzifələri qəsb etməkdir. Mühacir alveri ilə məşğul olmaqdır..

Haqqınızda sadalananları əxlaqsızlıq prizmasından dəyərləndirib istənilən qədər uzatmaq olar.

Bunların heç biri mənə aid deyil. Nə də feminist dəyərlərinə.

Ər-arvad -sizin ikinizə birdən təklifim var. Gəlin, siz ikiniz, mən tək. İstədiyiniz kanalda, istədiyiniz platformada, istədiyiniz saatda, gündə, ayda sizinlə qarşılıqlı bir verlişə çıxaq. Gələ bilərsiniz?! Əlbəttə yox! Çünki siz riyakarların maskası artıq cırlıb. Mənim qarşıma çıxmağa nə ağlınız nə də cəsarətiniz çatmaz, bilirəm.