USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aİ rəsmisi Rusiyada azərbaycanlılara qarşı zorakılıqdan narahatdır
Avropa İttifaqının (Aİ) Azərbaycandakı nümayəndəliyinin rəhbəri, səfir Peter Mixalko Rusiyada azərbaycanlılara qarşı baş verən zorakılıq hadisələrinə münasibət bildirib.
Diplomat bu barədə “X” (keçmiş Twitter) sosial şəbəkəsində paylaşım edib:
“Rusiya təhlükəsizlik qüvvələri tərəfindən etnik azərbaycanlılara qarşı törədilən zorakılıq, işgəncə və qeyri-insani rəftar, hətta ölümlə nəticələnən xəbərlərdən dərin narahatam. Mənim fikirlərim qurbanlar və onların ailələri ilədir.”
Qeyd edək ki, iyunun 27-də səhər saatlarında Rusiya Federal Təhlükəsizlik Xidməti (FTX) tərəfindən Yekaterinburq şəhərində azərbaycanlıların yaşadığı ünvanlara xüsusi əməliyyat həyata keçirilib. İki nəfərin öldürüldüyü, bir neçə şəxsin saxlanıldığı bildirilir.
Məlumata görə, öldürülən şəxslər tanınmış jurnalist Seyfəddin Hüseynlinin qardaşları olub.
Hadisəyə Azərbaycan rəsmiləri də sərt reaksiya veriblər. Azərbaycan Xarici İşlər Nazirliyi iyunun 28-də məsələ ilə bağlı bəyanat yayıb, Rusiyanın Azərbaycandakı müvəqqəti işlər vəkili XİN-ə çağırılaraq kəskin etiraz bildirilib.
