USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN-dən “Sputnik Azərbaycan” ofisindəki əməliyyatla bağlı rəsmi açıqlama
Daxili İşlər Nazirliyi (DİN) “Sputnik Azərbaycan”ın Bakı ofisində keçirilən əməliyyatla bağlı açıqlama yayıb.
Nazirliyin Mətbuat xidmətinin məlumatına görə, “Rossiya Seqodnya” İnformasiya Agentliyinin Bakı filialı – “Sputnik Azərbaycan”ın 2025-ci ilin fevralında akkreditasiyası ləğv edilsə də, qurum qanunsuz maliyyələşmə əsasında fəaliyyətini davam etdirib.
Məhz bu faktlarla bağlı daxil olmuş əməliyyat məlumatı əsasında DİN araşdırmalara başlayıb.
“İyunun 30-da Bakı şəhərində yerləşən “Sputnik Azərbaycan” ofisində əməliyyat-axtarış tədbirləri keçirilib. Faktla bağlı saxlanılan şəxslər var”, – deyə DİN-in açıqlamasında bildirilir.
Nazirlik əlavə məlumatların araşdırmalardan sonra veriləcəyini qeyd edib.
Xatırlatma
Azərbaycan Respublikasının Xarici İşlər Nazirliyi 2025-ci ilin fevralında “Sputnik Azərbaycan”ın akkreditasiyasını ləğv etdiyini açıqlamışdı. Həmin qərara əsasən, qurum yalnız bir müxbirlə məhdud şəkildə fəaliyyət göstərə bilərdi.
Əməliyyat, son zamanlar Rusiya-Azərbaycan münasibətlərindəki gərginlik fonunda baş verir. Müşahidəçilər bu addımı ölkənin informasiya suverenliyinin təminatı və qeyri-rəsmi təsirlərin məhdudlaşdırılması çərçivəsində atılmış bir qərar kimi qiymətləndirirlər.
