USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Büyükfırat ailəsində eyni gündə iki ağır faciə
“Büyükfırat” restoranlar şəbəkəsinin sahibi, tanınmış iş adamı Hüseyn Büyükfıratın ailəsi iyunun son günlərində eyni gündə iki dəhşətli itki ilə sarsılıb.
Məlumata görə, Hüseyn Büyükfıratın 27 yaşlı böyük oğlu Ebrarcan Büyükfırat iyunun 29-da Bakıda faciəvi şəkildə vəfat edib. Onun meyiti Nərimanov rayonu, Ceyhun Hacıbəyli küçəsindəki binanın qarşısında aşkarlanıb. Ebrarcanın “Qurd qapısı” qəbiristanlığında dəfn olunduğu bildirilir.
Elə həmin gün Türkiyədə də ailənin daha bir üzvü faciə qurbanı olub. Hüseyn Büyükfıratın qardaşı Abdulkadir Büyükfıratın oğlu – Mehmet Engin Büyükfırat, Adıyaman vilayətinin Samsat qəsəbəsi yaxınlığında baş vermiş ağır yol-nəqliyyat qəzasında həyatını itirib. Kiçiktutumlu yük maşını ilə minik avtomobilinin toqquşması nəticəsində ümumilikdə 4 nəfər ölüb, 1 nəfər isə xəsarət alıb.
Qeyd edək ki, Büyükfırat ailəsi əslən Türkiyənin Şanlıurfa bölgəsindəndir və xeyriyyəçi fəaliyyəti ilə tanınır. Hüseyn Büyükfırat həmçinin Türkiyə-Azərbaycan İş Adamları və Sənayeçiləri İctimai Birliyinin sədridir.
Hadisə ilə bağlı araşdırmalar davam etdirilir.
Allah məkanların cənnət etsin!
