USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda son bir ayda 6 müxalifət lideri həbs olunub
Gürcüstanda son bir ay ərzində 6 tanınmış müxalifət lideri həbs edilib. Sonuncu həbs iyunun 23-də “Ağmaşenebeli Strategiyası” partiyasının rəhbəri Giorgi Vaşadze ilə bağlı baş verib.
Vaşadze barəsində 7 aylıq həbs qərarı çıxarılmış, lakin o, həmin gün məhkəmə iclasında iştirak etməmişdi. Əvəzində o, partiyanın qərargahında mətbuat konfransı keçirərək hakimiyyəti “polis arxasında gizlənənlər” adlandırıb. Bir qədər sonra polis onun saxlanılmasına qərar verib.
Giorgi Vaşadze parlamentin istintaq komissiyası qarşısında ifadə verməkdən imtina etdiyinə görə istintaqa cəlb olunmuşdu, lakin əvvəllər onun barəsində həbs qətimkan tədbiri seçilməmişdi.
Digər həbslər
Bir gün əvvəl isə “Girçi – Daha Çox Azadlıq” partiyasının lideri Zurab Caparidze haqqında eyni – 7 aylıq həbs qərarı çıxarılmışdı. Həmin gün, həmçinin “Lelo” partiyasının həmsədrləri Mamuka Xazaradze və Badri Caparidze haqqında da 8 aylıq həbs qərarı verilib. Onlar öncədən girov qarşılığında azadlıqda qalmışdılar.
Daha əvvəl isə “Vahid Milli Hərəkat” partiyasının keçmiş sədri Nika Meliya və müxalif jurnalist və siyasətçi Nika Qvaramia barəsində də həbs qətimkan tədbiri seçilib.
İstintaq komissiyasına ifadə verməkdən imtina ittihamı
Həbs olunanların hamısı Gürcüstan parlamentində hökumət təşəbbüsü ilə yaradılmış istintaq komissiyası qarşısında ifadə verməkdən imtina etməkdə ittiham olunurlar. Komissiyaya hakimiyyətə yaxın deputat Tea Tsulukiani rəhbərlik edir. Komissiyanın əsas hədəfi hazırda müxalifətdə olan Vahid Milli Hərəkat Partiyasının keçmiş fəaliyyətini araşdırmaq
