İranın nüvə proqramı ilə əlaqədar Qərblə mümkün razılaşmaya qayıtmaq polimika olaraq qalır. Xüsusilə İsrailin İrana qarşı nüvə məsələsində ciddi tədbirlər görməsi istisna deyil. İranın ballistik raket bazalarına və nüvə alimlərinin hədfə alınması Təl-Əvivin ənənəvi metodudur.

Bunu politoloq Məhəmməd Əsədullazadə deyib.

O, qeyd edib ki, hazırda Türkiyə və İsrail arasında siyasi əlaqələr normallaşır. İsrail Türkiyənin Suriyada anti-terror əməliyyatlarına müəyyən dərəcədə dəstək verəcək: "Yaxın Şərqdə daşlar yenidən yerindən oynayır və bu prosesdə İsrail və Türkiyə kordinasiyali fəaliyyət göstərəcək. İsrail regionun əsas ölkəsi Türkiyə ilə münasibətləri normallaşdırdıqdan sonra İrana qarşı hərbi əməliyyatlara start verə bilər.

Bundan sonra İrana qonşu ölkələrə qarşı aqressivlik siyasəti ortaya qoya bilər. İranın Azərbaycana da mümkün təhdidləri ola bilər. Amma, Azərbaycanın Türkiyə ilə hərbi müttəfiqliyi Tehranın siyasətini neytrallaşdıracaq".

Yaxın Şərqdə İsrail İranın mövqeyini zəiflədəcək və artıq İranın 10 il ərzində Yaxın Şərq siyasəti iflasa uğradılacaq. Bu arada Suədiyyə Ərəbistanı ilə Türkiyə əlaqələr yeni normallaşmaya qədəm qoyur. İrana qarşı yeni bir koalisiya formalaşacaq. Çünki, İranın nüvə silahı əldə etməsi regional təhdidlərdi.