USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daha bir sığorta şirkəti BÖHRAN HƏDDİNDƏ... - 21 min manata yaxın vergi borcu var
Azərbaycanda fəaliyyət göstərən 21 sığorta şirkətindən 1-i dövlət büdcəsinə borcludur.
Bu barədə “foto.info.az”a İqtisadiyyat Nazirliyi yanında Dövlət Vergi Xidmətindən məlumat verilib.
Məlumata görə, söhbət "Rəvan Sığorta” ASC-dən gedir. Şirkətin vergi borcu 20 645,37 manat təşkil edir.
Qeyd edək ki, "Rəvan Sığorta" Azərbaycan Mərkəzi Bankı(AMB) məcmu kapitalı müəyyən edilmiş tələbdən az olduğu üçün nəzarətə götürdüyü 2 sığorta şirkətindən biridir. Şirkətə kapitalını artırmaq üçün 1 ay vaxt verilib.
Xatırladaq ki, "Rəvan Sığorta" 1998-ci ildə "Double Insurance Company" kimi fəaliyyətə başlayıb, 2004-cü ildə adını "Star Alyans Sığorta"ya dəyişib, 2007-ci ildə isə yenidən rebrendinq edib. Hazırda onun nizamnamə kapitalı 8,9 milyon manatdır. Şirkətin səhmlərinin 49,1%-i "Nurgun Group of Companies"ə, 42,36%-i "Nurgun Motors" MMC-yə, 8,54%-i isə "NBC Bank"a məxsusdur.
