Almaniyada müalicə alan Azərbaycan Respublikasının vətəndaşı Cavadov Rəşad Mirəbülfəz oğlu (24.11.1982) övladının geri qaytarılmaması ilə bağlı ciddi problemlə üzləşib.

Rəşad Cavadov xəstəxanada məcburi müalicə aldığı dövrdə (təxminən 1 ay) tabeçiliyində olan 15 yaşlı qızı Səadət Cavadovanı müvəqqəti olaraq Almaniyanın sosial qurumu “Jugendamt”-a həvalə edib. Lakin müalicə müddəti başa çatdıqdan sonra qurum övladı atasına geri qaytarmayıb.

“Jugendamt”ın açıqlamasına görə, ata övladına baxa bilmədiyi üçün qız onların himayəsinə verilib. Rəşad Cavadov isə bildirir ki, bu iddialar əsassızdır və o, xəstəxanadan aldığı rəsmi sənədləri təqdim etsə də, artıq 3 aydan çoxdur ki, qızı geri qaytarılmır.

Cavadov bu müddət ərzində dəfələrlə Azərbaycanın Berlindəki səfirliyinə müraciət etsə də, müraciətləri cavabsız qalıb. O, həm səfirlikdən, həm də aidiyyəti dövlət qurumlarından məsələyə dərhal müdaxilə edilməsini xahiş edir.

“Biz Azərbaycan Respublikasının vətəndaşlarıyıq. Mən övladımı geri almaq istəyirəm. Bu müddətdə səfirliyə müraciət etsəm də, heç bir cavab ala bilməmişəm. Qızımın mənə qaytarılması üçün kömək istəyirəm,” – deyə ata açıqlamasında bildirib.

Hadisənin təfərrüatları barədə Rəşad Cavadov mediaya da açıqlama verməyə hazır olduğunu bildirib.

Əlaqə nömrəsi: +994 55 815 66 24