USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sevinc Vaqifqızı “Cəsarət Mükafatı”na layiq görülüb
“Abzas Media”nın həbsdə olan baş redaktoru Sevinc Vaqifqızı Sərhədsiz Reportyorlar (RSF) təşkilatının təsis etdiyi **“Cəsarət Mükafatı”**na layiq görülüb. Bu barədə təşkilatın yaydığı məlumata əsasən, mükafatın təqdimetmə mərasimi noyabrın 15-də Parisdə keçirilib.
Mükafatı Sevinc Vaqifqızının adından “Abzas Media”nın direktoru Günel Səfərova qəbul edib. O, tədbir iştirakçılarına Vaqifqızının həbsxanadan göndərdiyi məktubu səsləndirib.
RSF Sevinc Vaqifqızını “prinsiplərinə sadiqliyi, təzyiqlərə baxmayaraq inadla susmaması və ədalətsizlik qarşısında dayanıqlığı ilə ləyaqət və ümid rəmzi” kimi qiymətləndirib.
Bu il müxtəlif ölkələrdən 29 jurnalist, fotojurnalist və media qurumu beş nominasiyada mükafatlandırılıb: “Cəsarət Mükafatı”, “Təsir Mükafatı”, “Müstəqillik Mükafatı”, “Afrika Araşdırma Jurnalistikası üçün Mohamed Maïga Mükafatı” və “Lucas Dolega–SAIF Foto Mükafatı”.
Sevinc Vaqifqızının həbsi
Sevinc Vaqifqızı 2023-cü ilin noyabrında “Abzas Media”ya qarşı açılan cinayət işi çərçivəsində valyuta qaçaqmalçılığı ittihamı ilə həbs olunub. Ümumilikdə bu iş üzrə 7 nəfər saxlanılıb.
2025-ci ilin iyununda Bakı Ağır Cinayətlər Məhkəməsi:
• Ülvi Həsənli,
• Sevinc Vaqifqızı,
• Hafiz Babalı,
• Fərid Mehralızadə
barəsində 9 il,
Nərgiz Absalamova və Elnarə Qasımova barəsində 8 il,
Məhəmməd Kekalov barəsində isə 7 il 6 ay həbs cəzası çıxarıb.
Onlar qaçaqmalçılıq və digər ittihamlarla təqsirli biliniblər. Jurnalistlər isə bu ittihamları qəbul etmir və həbslərinin apardıqları korrupsiya araşdırmalarına görə siyasi sifariş olduğunu bildirirlər.
