USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Saleh Rüstəmovun ölkədən çıxışına qadağa qoyuldu
Gədəbəy Rayon İcra Hakimiyyətinin keçmiş başçısı Saleh Rüstəmovun ölkədən çıxışına məhdudiyyət tətbiq edildiyi bildirilir. Bu barədə məlumatı onun yaxınları sosial mediada yayıb.
Ailəsinin açıqlamasına görə, uzun illərdir Rusiyada yaşayan S. Rüstəmov bacısı qızının vəfatı ilə əlaqədar Azərbaycana gəlib. Lakin ölkədən çıxmaq istədiyi vaxt onun sərhəddə saxlanıldığı və çıxışına “stop” qoyulduğu bildirilib.
Saleh Rüstəmov 1992–1993-cü illərdə Gədəbəyin icra başçısı olub. O, 1997-ci ildən Rusiyada yaşayaraq sahibkarlıq fəaliyyəti göstərib. 2018-ci il mayın 8-də Azərbaycana müvəqqəti gəlişi zamanı həbs edilib.
Ona qarşı Rusiyada qanunsuz sahibkarlıqla məşğul olmaq, Azərbaycan Xalq Cəbhəsi Partiyasının (AXCP) üç üzvü ilə birgə qanunsuz sahibkarlıq fəaliyyəti və partiyanı qanunsuz maliyyələşdirmək ittihamları irəli sürülüb. Rüstəmov ittihamları qəbul etməyib, həbsinin siyasi sifariş olduğunu, “Bandotdel”də işgəncəyə məruz qaldığını və AXCP sədri Əli Kərimlinin əleyhinə ifadə verməsinin tələb edildiyini bildirib.
2019-cu il fevralın 27-də Bakı Ağır Cinayətlər Məhkəməsi onu 7 il 3 ay müddətinə azadlıqdan məhrum edib. O, 2022-ci ilin mayında əfv sərəncamı ilə azadlığa buraxılıb.
Hazırda onun ölkədən çıxışına qoyulan qadağanın səbəbləri barədə rəsmi məlumat açıqlanmayıb.
