USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəxtiyar Hacıyev həbsxanadan Əli Kərimliyə müraciət göndərib
10 il müddətinə azadlıqdan məhrum edilən ictimai fəal Bəxtiyar Hacıyev saxlanıldığı 6 saylı cəzaçəkmə müəssisəsində hüquqlarının pozulduğunu bildirərək AXCP sədri Əli Kərimliyə müraciət göndərib. Bu barədə Əli Kərimli öz sosial şəbəkə hesabında məlumat yayıb.
Əli Kərimlinin sözlərinə görə, Bəxtiyar Hacıyevə cəzaçəkmə müəssisəsində “dözülməz şərait” yaradıldığı qeyd edilir. O yazır ki, həbsi və uzunmüddətli cəza qərarından sonra da fəalın üzərinə təzyiqlər davam edir.
Məlumata əsasən, Bəxtiyar Hacıyevin qardaşı Vuqar Hacıyev də məsələ ilə bağlı Azərbaycan Respublikasının Ədliyyə naziri Fərid Əhmədova və Penitensiar Xidmətin rəisi Mirsaleh Seyidova müraciət edib. O, müraciətdə bildirib ki, 6 saylı cəzaçəkmə müəssisəsində Bəxtiyar Hacıyev 6–7 aydır normal şəraitlə təmin olunmur və hüquqlarının pozulduğunu iddia edir.
Əli Kərimli Azərbaycan hakimiyyətini “qərəz və qisasdan əl çəkməyə”, həmçinin həbsdə olan şəxslərin “ən elementar hüquqlarının təmin edilməsinə” çağırıb.
O, həmçinin qeyd edib ki, Bəxtiyar Hacıyevin hakimiyyətə tənqidi paylaşımlar etdiyinə görə həbs olunduğunu və həbsxanada ağır şəraitdə saxlanıldığını düşünür.
Hadisə ilə bağlı rəsmi qurumların mövqeyi hələlik açıqlanmayıb.
