AZƏRBAYCAN RESPUBLİKASININ PREZİDENTİ, SİLAHLI QÜVVƏLƏRİN ALİ BAŞ KOMANDANI.
CƏNAB İLHAM ƏLİYEVƏ,

AZƏRBAYCAN RESPUBLİKASININ BİRİNCİ VİTSE-PREZİDENTİ, AZƏRBAYCANIN BİRİNCİ XANIMI.
HÖRMƏTLİ MEHRİBAN XANIM ƏLİYEVAYA.

SÜRƏTİ:
Azərbaycan Respublikası Əmək və Əhalinin Sosial Müdafiəsi Naziri
Cənab Sahil Babayevə.

Azərbaycan Respublikası Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspetiza və Reabilitatsiya xidmətinin rəisi
Cənab Cavid Əbdul-Qədirova.

Qax rayon, Güllük kəndində yaşayan, 2-ci qrup hərbi əlil Osmanlı Altunay Sərvər oğlu tərəfindən. (070-537-89-23)

Ş i k a y y ə t ə r i z ə s i

Bildirmək istəyirəm ki, Müdafiə Nazirliyinin tərkibində 02 oktyabr 2010-cu ildən 01 aprel 2012-ci ilədək 191 saylı hərbi hissədə müddətli həqiqi hərbi xidmətdə olmuşam, 07 mart 2014-cü ildən 27 oktyabr 2017-ci ilədək 006 saylı hərbi hissədə xidmət etmişəm.

2016-cı ilin aprel ayında Azərbaycan Respublikası ərazi bütövlüyü uğrunda “Lələ-Təpə” istiqamətində döyüşlərdə iştirak edmişəm.

Azərbaycan Respublikası ərazi bütövlüyü uğrunda döyüşlərdən sonra səhətimdə ağrılar əmələ gəlməyə başladı, həmin vaxtdan etibarən mən uzun müddət müayinə və müalicələrdə oldum, belə ki, Silahlı Qüvvələrin Baş Kliniki Hospitalında 25.05.2017-ci il tarixdən 30.05.2017-ci il tarixədək müayinədə, 30.06.2017-ci il tarixdən 06.07.2017-ci il tarixədək müalicədə, 13.07.2017-ci il tarixdən 20.07.2017-ci il tarixədək müayinədə olmuşam, əlavə bir neçə dəfə xəstəxanalarda müalicə olunmuşam, axrıncı dəfə Qax rayon Mərkəzi Xəstəxanasında 25.09.2018-ci il tarixdən 16.10.2018-ci il tarixədək müalicədə, 24.04.2019-cu il tarixdən 17.05.2019-cu il tarixədək müalicədə olmuşam və Müdafiə Nazirliyinin Mərkəzi Hərbi Həkim Komissiyasının qərarı ilə şəhadətləndirilmişəm.

17.10.2017-ci ildə ehtiyata buraxılmışam və uzun müddət müalicə və müayinələrdə olduğum üçün səhətimdə olan xəstəliklərlə bağlı 09.02.2018-ci ildə mənə 2-ci qrup hərbi xidmət dövrü ilə əlaqədar əlillik təyin edilmişdir.

Qeyd etmək istəyirəm ki, bununla əlaqədar olaraq 09.02.2018-ci ildə mənə Azərbaycan Respublikası Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspetiza və Reabilitatsiya xidmətinə müraciət etmişəm və mənə 09.02.2018-ci il tarixdən 09.02.2023-cü ilədək 2-ci qrup hərbi xidmət dövrü ilə əlaqədar əlillik təyin edildi.

Nəzərinizə çatdırmaq istəyirəm ki, mənə əlillik təyin olunan gündən etibarən Azərbaycan Respublikası Əmək və Əhalinin Sosial Müdafiəsi nazirliyi yanında Dövlət Sosial Müdafiə Fondunun Xüsusi Şərtlərlə Təyinat İdarəsi tərəfindən pensiya alırdım.

Lakin iyun 2019-cu ildə pensiya ödənilmədiyi üçün yenidən elektron sistemə baxış keçirən zaman mənə məlum oldu ki, əlilliyim əsassız olaraq ləğv edilmişdir.

Bu da hesab edirəm ki, Azərbaycan Respublikasının qanunlarına hörmətsizlikdir, qanunlarımızın aliliyinə ziddiyətli bir mövqedir, belə ki, 1-ci vətənim Azərbaycan Respublikasına hərbi xidməti zamanı səhətini itirən əlil xəstə insana qarşı haqsızlıqdır və ədalətsizlikdir, 2-ci isə “Sağlamlıq imkanlarının məhdudluğunun müəyyən olunması meyarlarına dair Əsasnamə”nin təsdiq edilməsi haqqında Azərbaycan Respublikası Nazirlər Kabinetinin 2015-ci il 30 dekabr tarixli 413 nömrəli qərarının 4.2-ci maddəsinə əsassən ikinci və üçüncü dərəcə əlillik 5 (beş) il müddətinə müəyyən edilir. İkinci dərəcə əlillik fasiləsiz olaraq 10 (on) il, üçüncü dərəcə əlillik fasiləsiz olaraq 15 (on beş) il təyin olunduğu halda əlillik müddətsiz müəyyən edilir” qeyd etdiyim qanunun aliliyinə, tələblərinə və mənə qarşı ziddiyyətli bir mövqedir.

Belə ki, Səhiyyə Nazirliyi tərəfindən mənə əlilik təyin olunması üçün Forma 88 elektron sistemə daxil edilmiş və mənə 09.02.2023-cü ilədək 5 il müddətinə əlillik təyin edilmişdir.

Sizdən xahiş edirəm ki, yuxarıda qeyd etdiklərimi nəzərə alasınız, Azərbaycan Respublikasının qanunlarının aliliyinə hörmətlə yanaşasınız, Ali Baş Komandan cənab İlham Əliyevin biz hərbicilərə, xüsusəndə əlil hərbiçilərə qarşı həsas yanaşaraq qayğısından ibrət götürəsiniz və mənim 09.02.2018-ci il tarixdən 09.02.2023-cü ilədək 2-ci qrup hərbi xidmət dövrü ilə əlaqədar əlilliyimin elektron sistemdə bərpa edilməsinə köməkdarlıq edəsiniz.

Hörmətli cənab Prezident, Hörmətli Mehriban Xanım, mənim müraciətimi aidiyyatı orqanlar dinləmir, baxmır, ümüd yerim Sizlərsiz xahiş edirəm bu biganə məmurlara ciddi göstəriş verəsiniz, məni bezdiriblər mən xəstə insan məhkəmələrdə və VTEK yolunda qalmılşam, VTEK RƏİSİ MƏTANƏT XANIM, HƏKİM İLKİN məni dolayıblar hər dəfə gedirəm qəbula hər dəfə bir bəhanə ilə məni başlarından edirlər. Çox xahiş edirəm mənə kömək edəsiniz.

Diqqətinizə görə Sizə öz minətdarlığımı bildirirəm.

İmza: Osmanlı Altunay Sərvər oğlu.

axin.az olaraq müraciətdə iddia olunanlarla bağlı bütün maraqlı tərəfləri dinləməyə hazırıq...