İmişlidə rayon İcra Hakimiyyəti adından sahibkarlardan yaralı əsgərlərə yardım adı altında pul tələb ediblər.

Bu gün səhər saatlarında İmişli Rayon İcra Hakimiyyətinin başçısı Elçin Rzayev bazar və bazar ətrafı ticarət və iaşə obyektlərinə baxış keçirib.

İcra başçısı ərazini tərk etdikdən sonra özünü icra hakimiyyətinin əməkdaşı kimi təqdim edən bir qrup şəxs bazar ətrafı ticarətlə məşğul olan sahibkarlardan "yaralı əsgərlərə yardım" adı altında 100-300 manat arası pul tələb ediblər. Pulu verməkdən imtina edən sahibkara isə "sən azərbaycanlı deyilsən?" deməkdən də çəkinməyiblər.

Məsələ ilə bağlı İmişli rayon icra hakimiyyətinin mətbuat xidməti ilə əlaqə saxladıq. İcra hakimiyyətindən məsələdən xəbərsiz olduqlarını və araşdırıb ətraflı məlumat veriləcəyi bildirildi. //Avropa.info//