Gürcüstanın xarici dövlət borcu son 10 ildə iki dəfə artaraq, ən yüksək həddə çatıb. Ölkənin xarici borcu 2011-ci ildə 4,2 milyard dollar olduğu halda, 2021-ci ildə bu rəqəm 8,2 milyard dollara çatıb.

Axar.az xəbər verir ki, xarici borcun ən yüksək artımı 2020-ci ildə qeydə alınıb. Belə ki, 2020-ci ildə dövlət borcu dövlət zəmanəti ilə alınan kreditlər hesabına 2019-cu illə müqayisədə 31,3 faiz artaraq 7,5 milyard dollar olub. Dövlət borcunun bu səviyyədə artması koronavirus pandemiyası ilə əlaqələndirilir.

Bildirilir ki, 2021-ci ildə dövlətin xarici borcu cəmi 9 faiz artıb.

Gürcüstanın ən çox borcu olduğu beynəlxalq maliyyə institutları sırasında ilk yerlədə Asiya İnkişaf Bankı, Dünya Bankı, Beynəlxalq İnkişaf və Yenidənqurma Bankı (İRDB), Beynəlxalq İnkişaf Agentliyi (İDA), ilk üçlükdəki ölkələr arasında isə Fransa, Almaniya və Yaponiya dayanır.