Rusiyanın tanınmış teatr, kino və televiziya rejissoru Kirill Serebrennikov şərti cəzası ləğv edildikdən sonra ölkəni tərk edərək Parisə gedib.

Kult.az xəbər verir ki, bu barədə fransız kino tənqidçisi Joel Şapron deyib.

Məhkəmə Serebrennikovun şərti cəzasını ləğv edib, çünki o, şərti cəzanın yarısını çəkib, cərimə və dəymiş ziyanı ödəyib, qanun pozuntusuna yol verməyib.

Qeyd edək ki, 2017-ci ildə Serebrennikovun həbs edilməsi dünya ölkələrinin diqqətini çəkmişdi. O, hökumətə qarşı etiraz aksiyalarında iştirak etmiş, Putinin pravoslav kilsəsində artan nüfuzundan narahatlığını bildirmişdi. Onun rus hakimiyyətinə zidd fikirlərinə görə hədəf alındığı hesab olunur.

Serebrennikov yaratdığı “Yeddinci studiya”ya dövlət tərəfindən ayrılan 68 milyon rubl vəsaiti mənimsəməkdə ittiham olunurdu.