USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyə sərhədçiləri yüksək hazırlıq vəziyyətinə gətirildi
Türkiyə sərhəd təhlükəsizliyi, ictimai asayiş və miqrasiya idarəçiliyi sahəsində güzəştsiz mövqe nümayiş etdirir.
Bu barədə məlumat Türkiyə Daxili İşlər Nazirliyinin X sosial şəbəkəsindəki paylaşımında yer alıb. Bildirilib ki, məsələ ölkənin Sərhəd Təhlükəsizliyi Toplantısında geniş müzakirə olunub.
Toplantıda regionda baş verən və qlobal miqyasda təsiri hiss olunan hadisələr ətraflı təhlil edilib. Bu çərçivədə sərhəd təhlükəsizliyinin ən yüksək səviyyədə qorunması, qeyri-qanuni miqrasiya axınlarına qarşı əlavə tədbirlərin görülməsi, böhran vəziyyətlərində tətbiq olunacaq ssenarilər və təcili fəaliyyət planları, eləcə də qurumlararası koordinasiyanın gücləndirilməsi və sahədəki imkanların artırılması məsələləri qiymətləndirilib.
Türkiyənin daxili işlər naziri Mustafa Çiftçi toplantı zamanı bildirib ki, regionda baş verən proseslər anbaan izlənilir və bütün bölmələr yüksək hazırlıq vəziyyətindədir.
Nazirlik vurğulayıb ki, ictimai asayişin qorunması və sərhəd təhlükəsizliyinin təmin olunması istiqamətində bütün aidiyyəti qurumlarla yüksək səviyyəli koordinasiya şəraitində qətiyyətli fəaliyyət davam etdirilir.
