Böyük Britaniya Kralı III Çarlz və Kraliça Kamillanın ABŞ-yə dövlət səfərinin bu ilin aprel ayında baş tutacağı təsdiqlənib. Bu barədə Bukingem Sarayı məlumat yayıb.

Bildirilib ki, səfərin 27–30 aprel tarixlərini əhatə edəcəyi gözlənilir. ABŞ Prezidenti Donald Tramp sosial media hesabında paylaşım edərək, aprelin 28-də Ağ Evdə Kralın şərəfinə təntənəli ziyafət təşkil olunacağını açıqlayıb. O, birinci xanım Melaniya Trampla birlikdə Kral III Çarlzı qarşılamaqdan məmnun olacağını qeyd edib.

Səfər çərçivəsində Kral III Çarlzın ABŞ Konqresində çıxışı da gözlənilir. Bukingem Sarayı bildirib ki, səfər iki ölkə arasında tarixi əlaqələrin inkişafına və müasir ikitərəfli münasibətlərin möhkəmlənməsinə xidmət edəcək.

Qeyd edək ki, ABŞ bu il müstəqilliyinin 250 illiyini qeyd edir. Səfərdən sonra Kral III Çarlzın Böyük Britaniyanın dənizaşırı ərazisi olan Bermud adalarına da səfəri planlaşdırılır.