Dünyanın ən çox əhalisi olan 10 ölkəsində ümumilikdə təxminən 4,7 milyard insan yaşayır. Hindistan və Çin isə təkbaşına dünya əhalisinin böyük bir hissəsini təşkil edir.

Siyahıya 1,47 milyarddan çox əhalisi olan Hindistan başçılıq edir. İkinci yerdə təxminən 1,41 milyard nəfərlə Çin qərarlaşıb. Hindistanda əhali artımı davam etdiyi halda, Çində azalma tendensiyası müşahidə olunur.

Üçüncü pillədə 349 milyon nəfərlə ABŞ yer alır. Onu İndoneziya və Pakistan izləyir.

Dünyanın əhalisinə görə ən böyük 10 ölkəsi belədir:

1. Hindistan – 1,47 milyard
2. Çin – 1,41 milyard
3. ABŞ – 349 milyon
4. İndoneziya – 287,9 milyon
5. Pakistan – 259,3 milyon
6. Nigeriya – 242,4 milyon
7. Braziliya – 213,6 milyon
8. Banqladeş – 177,8 milyon
9. Rusiya – təxminən 146 milyon
10. Efiopiya – 138,9 milyon

İlk onluqda Asiyadan 5, Afrikadan 2, Şimali Amerikadan 1, Cənubi Amerikadan 1 və Avrasiya məkanından 1 ölkə yer alır.

Hindistan və Çinin ümumi əhalisi isə təxminən 2,88 milyard nəfər təşkil edir.